標題:
巴黎瑞士自由行
發問:
我和朋友打算去巴黎＋瑞士連搭飛機14日, 因為第一次去咁遠, 有些問題想問下~謝謝~ 1) 我地唔想走馬看花, 想慢慢看, 扣除飛機2日, 每個地方6日, 想問下大家行程怎樣安排好? 應該去巴黎定瑞士先? 2) 可以買來回機票但不同地方來回的嗎? 3) 從巴黎->瑞士或瑞士->巴黎搭的火車, 需要在哪裡訂呢? 4) 我地諗住住d平些o既地方(b&b/hostel)每人連機票$25000, 會否不夠? 更新: 謝謝你的回答! 其實我地未詳細計劃瑞士去邊, 想去少女峰, 伯恩, 琉森...而搭飛機會去蘇黎世嗎? 這裡有特色的景點會停留一至兩天嗎? 應該住邊一區的酒店, 還是要分開不同區的酒店呢? 以上三個地方再加搭黃金列車會很趕嗎? 以我地的行程買邊種火車證會適合? 以上兩國哪個消費較高? 唔識德文在瑞士會溝通不到嗎? 更新 2: 咁仲有一個冰河列車呢? 值得搭嗎? 更新 3: 唔好意思, 咁多個問題, interlaken是否風景也是很美的? 會花一日時間在這裡嗎? 之前提及過的少女峰, 伯恩, 琉森, 冰河列車同interlaken, 六天行程應該怎樣安排, 會不會原夠時間? 是不是要每晚住在不同區的酒店呢? 我地洗唔洗買swiss pass?? 真的謝謝你~
最佳解答:
此文章來自奇摩知識+如有不便請留言告知
1. 其實瑞士先, 或巴黎都冇所謂, 主要睇下你响邊度落機,上機. 2. 是可以的(視乎航空公司), 你可以直接到不同的旅行社問下. 3. 由於你兩個國家都會停6日, 時間充裕, 你可以到達後才在當地的火車站訂票, 4. 25000 應該足夠的. 由於不知道你想去瑞士哪些地方, 所以不能詳細地解答你的問題. 如你有一個較detail的plan, 可以一同再討論. 希望少少意見, 可以幫到你, 歡迎你留言給我. 2008-02-01 22:49:28 補充： 由香港飛瑞士, 蘇黎世瑞航有直飛的, 而日內瓦就要在蘇黎世或其他國家轉機. 可以的話, 可以買去巴黎, 由蘇黎世走. 玩完巴黎後, 坐tgv去瑞士伯恩, 日內瓦或其他城巿, 視乎你的行程. 少女峰地區可以留兩天, 伯恩和琉森每地遊覽一天應足夠. 至於住邊度就好難講, 因為伯恩, 少女峰和琉森剛好成了一個三角型. 我會建議你由巴黎坐tgv到伯恩, 時間許可的話, 即日到少女峰地區住, 最好係住半山的grindelwald, lauterbeunnen等地 (可能串錯字). 玩完少女峰, 就到琉森, 在當地留宿, 在琉森時, 有時間可抽一天上皮拉特斯或鐵力士山. 2008-02-01 22:49:46 補充： 如果我冇估錯, 你應該是想坐琉森和interlaken之間的一段黃金列車. 如果是這樣的, 其實不用坐黃金列車, 只需坐普通的列車你也可欣賞一樣的風景, 因為路線是一樣的. 只是車卡靚d. 如果只去少女峰, 琉森和伯恩, 這不算趕. 假如你在法國只去巴黎和週邊地區的話, 咁你只需要買瑞士的火車證就夠, 火車證的詳請你可以同旅行社check番. 好難講邊個消費較高, 巴黎本身東西比其他地區為貴... 瑞士就全國都差不多. 好多朋友都話瑞士d嘢比較貴. 我覺得兩地差距不大. 但要留意即使有火車證, 上少女峰的火車也只有25% off. 2008-02-02 13:15:22 補充： 在瑞士主要旅遊點, 淨係英文都足夠的了 2008-02-05 22:57:04 補充： 冰河列車其實我覺得咁多觀景鐵路最靚的. 但亦是比較遍遠的. 行走zermatt和st moritz之間. 以你的行程黎睇就唔係咁順路. 而且一坐要坐成日的, 如果你只有6日的話就趕到d. 以下是一個我建議的plan.day1: 如果你可以中午到達伯恩的話, 晚上留伯恩. 2: 未看完伯恩可以繼續, 下午到interlaken, 看你住那裏, 晚上就去住的城鎮. 未天黑可以在interlaken 行下. 2008-02-05 22:57:28 補充： 3: 第二天一早少女峰. 相信中午應可開始下山. 下午遊下其它小鎮. 如果你4-10月去的話, 可以去lauterbrunen一個在山中的瀑布. 想要詳細地址我可以email給你. 4. 出發去琉森. 琉森玩一日, 也可以先去左brienz 或 einsiedeln, 第六日才遊琉森本身.brienz是個在interlaken和luzern之間的湖邊小鎮, 很有典型的瑞士小鎮, 可以考慮下. 2008-02-05 22:57:37 補充： 5. 可考慮上皮拉特斯山, 如果天氣唔好就唔駛上, 因為咩都睇唔到. 也可以去einsiedeln, 一個瑞士的天主教聖地, 有一間好靚的修道院和教堂. 也可考慮遊下琉森湖, 到下附近的小鎮6. 可能你要趕火車/飛機, 未必有太多時間, 有時間的話可以遊遊琉森. 住方面, 其實上面個plan你會大約看得到, 我會建議分別以interlaken附近小鎮 和琉森為住宿. 有需要的話可以住伯恩, 如上. swisspass是會有用的. 一程一程買會好貴的. 希望你看得懂. 如果有問題, 可以直接send email俾我. skteddy@hotmail.com
其他解答:
留言列表
